مكتوب عليكي يا مصر
مكتوب عليكي يا مصر
ثورة من شوطين
شوط ترفعي راسك
وشوط تشنقي فيه الفاسدين
والتمن زهرة شبابك
أسيادنا وأسيادك
الورد اللي فتح زين الميادين
مكتوب عليكي يا مصر
ترفعي راسك
وتشربي النصر
وتفرحي ناسك
وتسقي الجبان
والفاسد والمخلوع
والمشين واللعين
المر في كاسك
أصيلة يا مصر
جميلة يا مصر
وأحرارنا حراسك
مكتوب عليكي يا مصر
تكملي دينك
ومين هيحصنك
يا ست المحصنات
غير الأبرار الأحرار
اللي دمهم
بيروي حاضر ومستقبل
بساتينك
لو تسأليني
مين أنا
واحد كل أمله
دمه يسيل
على طينك
مصطفى إسماعيل
ليست هناك تعليقات:
إرسال تعليق